नागपूर : ‘पक्षाचा एक सामान्य कार्यकर्ता, ज्याने कोणत्याही अपेक्षेशिवाय संघटना वाढविण्यावर भर दिला, तो कार्यकर्ता ६५ टक्के जास्त मते घेऊन देशाच्या सर्वोच्च पदाची जबाबदारी सांभाळणार आहे. हा करिष्मा फक्त भाजपमध्येच होऊ शकतो,’ असे प्रतिपादन आमदार सुधाकर कोहळे यांनी केले.
रामनाथ कोविंद भारताचे १४वे राष्ट्रपती झाल्याबद्दल नागपूर महानगरात जल्लोष करण्यात आला. त्या वेळी आयोजित कार्यक्रमात ते बोलत होते.
या वेळी आमदार अनिल सोले, गिरीश व्यास, विकास कुंभारे, मिलिंद माने, महापौर नंदा जिचकार, डॉ. उपेंद्र कोठेकर, स्थायी समिती अध्यक्ष संदीप जाधव, सुभाष पारधी, जयप्रकाश गुप्ता, भोजराज डुंबे, प्रमोद पेंडके, माजी महापौर अर्चना देहनकर, शिवानी दाणी आदी मान्यवर उपस्थित होते.
शहरातील टिळक पुतळा महाल येथील कार्यालयासमोर ढोल-ताशे वाजविण्यात आले. या वेळी अर्चना देहनकर यांच्यासह अन्य महिलांनी फुगड्या घालून आनंद साजरा केला. कार्यकर्त्यांनी भाजपचा झेंडा फडकावत लाडूवाटप केले. यात दिलीप गौर, किशन गावंडे, संजय बंगाले, महेंद्र राऊत, चंदन गोस्वामी, रामभाऊ आंबुलकर, विकी कुकरेजा, देवेंद्र दस्तुरे, दयाशंकर तिवारी, गुड्डू त्रिवेदी, डॉ. कीर्तिदा अजमेरा, सीमा ढोमने, मनीषा काशीकर, चंद्रशेखर डोर्लीकर, किशोर पेठे, नरेश जुमानी, असलम खान, गजेंद्र पांडे यांच्यासह शेकडो महिला, पुरुष कार्यकर्ते उपस्थित होते. सूत्रसंचालन किशोर पालांदूरकर यांनी केले.
